Со 11 одиграни кола заврши есенската полусезона во Третата македонска фудбалска лига – Југозапад, есенски шампион е Преспа од Ресен со 28 бодови на своето конто.
Ресенчани имаат учинок од девет победи, едно реми и еден проаз со 15 постигнати погодоци, а седум примени со што ја имаат најдобрата одбрана.
На второто место е Кораби од Дебар, ланскиот шампион во Трета лига – Југозапад кој не го помина баражот за Втора лига има 27 бодови. Поранешниот второлигаш сака одново да биде шампион и сака нов бараж за влез во Втората лига, откако ланскиот не го помина бидејќи беше поразен од Вардарски.
На третото место е Сатеска од Волино вистинско изненадување е овој тим, кој собра 26 бодови, само два помалку од лидерот Преспа. Сатеска го има најдобриот напад кој реализираше 40 погодоци, но одбраната во некој сегменти потфрли и прими 22 погодоци.
Сатеска го има најдобриот стрелец во лигата, тоа е Никола Секулоски кој е вистинска гол-машина, откако постигна фантастични 23 погодоци или повеќе од половина погодоци се дело на Секулоски.
- ЦЕЛА ТАБЕЛА ОД ТРЕТА ЛИГА – ЈУГОЗАПАД:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК ПРЕСПА | 11 | 9 | 1 | 1 | 25 | 7 | +18 | 28 |
| 2 | ФК КОРАБИ | 11 | 9 | 0 | 2 | 28 | 17 | +11 | 27 |
| 3 | ФК САТЕСКА с.Волино | 11 | 8 | 2 | 1 | 40 | 22 | +18 | 26 |
| 4 | ФК КРАВАРИ | 11 | 5 | 2 | 4 | 28 | 14 | +14 | 17 |
| 5 | ФК ЕВРОТИП ОНЛАЈН | 11 | 5 | 1 | 5 | 19 | 15 | +4 | 16 |
| 6 | ФК КАРАОРМАН 2017 | 11 | 5 | 0 | 6 | 18 | 20 | -2 | 15 |
| 7 | ФК ВЛАЗНИМИ | 11 | 4 | 1 | 6 | 18 | 22 | -4 | 13 |
| 8 | ФК Велешта Унитед | 11 | 4 | 1 | 6 | 28 | 42 | -14 | 13 |
| 9 | ФК СВЕТА ТРОИЦА 2021 | 11 | 2 | 5 | 4 | 17 | 19 | -2 | 11 |
| 10 | ФК СЛАВЕЈ с.Мешеишта | 11 | 3 | 2 | 6 | 17 | 26 | -9 | 11 |
| 11 | ФК ДЕМИР ХИСАР | 11 | 3 | 1 | 7 | 14 | 18 | -4 | 10 |
| 12 | ФК СВЕТЛОСТ | 11 | 1 | 0 | 10 | 11 | 41 | -30 | 3 |
