Кајмани славеше триумф над Речица од 2:1, а притоа го искористи поразот на Влазерими кај Дрита и со тоа веќе станува јасно оти Камјани ќе биде шампион во Трета лига – Запад и ќе игра бараж за влез во Втора лига.
Во рамки на 19. коло лидерот со погодоци на Даут Даути и Ебубекир Азиз славеше над Речица, а за гостинот единствен стрелец беше Наим Шаќири.
Дрита го „сопна“ Влазерими совладувајќи го со 3:2, Бесим Алили беше двоен стрелец, а еден гол постигна Брендим Рушити кој погоди во 89. минута и ги обезбеди трите бода, за гостинот од Кичево стрелци беа Мирлинд Ибраими и Лабинот Елези.
Доброшти со головите на Етеми, Муслија и Сулимани славеше со 3:0 над Скендербеу на домашен терен. Во меч со седум гола Љуботен славеше над Напредок од Кичево.
Гостинот преку Младен Котевски во 18. минута го отвори резултат за водство од 0:1 на полувреме. Во вториот дел за гостинот погодија Лука Ѓорески и Пецо Мирчески. За домашниот тим стрелаа Филип Билбилоски, Теодор Стојанов, Сеат Халими и Марко Мишиќ.
Мечот меѓу Џепчишти и Вардар Брвеница не се одигра, откако гостинот не се појави на теренот по чекање од 30 минути. Ова ќе значи службена победа за домашниот тим.
На врвот е Камјани со 46 бодови, а втор е Влазерими со 38 бодови.
