Вечерва со натпреварот меѓу Шкупи и Клими ќе биде отворено претпоследното 17. коло на Првата футсал лига на Македонија.
Меч без резултатско значење освен за престиж и што повисок пласман на самата првенствена табела, бидејќи Проект одамна стана нов шампион на Македонија, а Балкан и Мал Ајакс испаднаа во Втората лига.
Боби Величков како прв судија и Роберт Црвенов како втор судија ќе ја делат правдата на овој натпревар, делегат на мечот е Ѓоре Манасиев, а контролор е Дејан Неделкоски.
За сабота се закажани два натпревари. Од 17 часот Форца на домашен терен ќе игра против Балкан, овде фаворит е ланскиот шампион, а пак од 20 часот Јувентус Серава ќе игра против Кеги Моби, каде гостинот од Велес е фаворит.
Два натпревари ќе се одиграат в недела. Од 19 часот во Крива Паланка екипата на Осогово ќе го пречека новиот шампион Проект, гостинот од Јосифово е фаворит за нов 17-ти по ред триумф во шампионатот.
Еден час подоцна Бутел како фаворит ќе игра против Мал Ајакс од Штип за комплетирање на колото.
