Новиот ракометен проект во градот, РК Феникс, официјално започна со упис на нови членови, продолжувајќи ја својата мисија за развој на млади таленти и создавање нова спортска приказна во Радовиш.
Клубот ги повикува сите деца родени 2018 година и постари – момчиња и девојчиња, да се приклучат и да ги направат своите први ракометни чекори во организирана и професионална средина.
Од Феникс потенцираат дека акцентот не е само на спортските резултати, туку и на правилниот раст и развој на децата преку спортот. Тренинзите ќе се одвиваат под водство на лиценцирани и посветени тренери, со цел да се изградат дисциплина, тимски дух и самодоверба кај најмладите.
Покрај тоа, клубот нуди здрава средина за дружење и стекнување нови пријателства, како и можност младите ракометари да се развијат во идни ѕвезди на радовишкиот ракомет.
Од клубот порачуваат дека Феникс не е само спортски колектив, туку вистинско семејство каде се градат идните шампиони.
Сите заинтересирани можат да се пријават на телефон 078 673 345 и 077 825 580, преку е-пошта rk.feniks2026@gmail.com
или преку Instagram профилот на клубот (@rk_feniks2026).
