ЕХФ ги одреди службените лица за полуфиналниот двомеч во Европскиот Куп, во кој Охрид ќе се соочи со Целје.
Првиот натпревар ќе се одигра на 25 април во словенечката „Арена Златорог“ со почеток од 18:00 часот, каде правдата ќе ја делат босанските судии Јовиќ и Арнаутовиќ, додека улогата на делегат ќе ја има Беќири од Косово.
Реванш дуелот, кој ќе го даде патникот во финалето, е закажан за 2 мај во СРЦ „Билјанини извори“ во Охрид од 19:00 часот. За овој натпревар делегирани се полските арбитри Фабрични и Равицки, а делегат ќе биде Касуниќ од Хрватска.
