Делегирани судиите кои ќе делат правда на утрешните натпревари од 24. коло на Втората македонска фудбалска лига.
Дерби натпревар ќе се игра во Кочани, каде ќе се соочат Осогово и Шкендија Арачиново, главен судија ќе биде Фатмир Бафто, а негови асистенти ќе бидат Мишо Ѓорѓиески и Горан Балески, а пак четврт судија ќе биде Дарко Котески.
Делегат на мечот ќе биде Борче Мирчески, а контролор ќе биде Ѓорги Карајанов, додека пак Кренар Шуку ќе биде комесар за безбедност на ФФМ.
Мечот во Кочани ќе биде реприза на баражот од минатата сезона, кога Шкендија Арачиново славеше во Кочани над Осогово за влез во Втора лига, кога исто така Фатмир Бафто беше главен арбитар.
Бењамин Ќерими ќе им суди на Тетекс и Преспа, а ќе му асистираат Горан Милошевски и Бесар Абудли, а пак четврт судија е Борче Павловиќ.
Столе Тошев ќе биде делегат на мечот, а контролор ќе биде Бурханедин Салихи.
Мечот во Македонска Каменица меѓу Каменица Саса и Охрид ќе го суди Ангелчо Ристов, а ќе му помагаат Давор Дишлиевски и Ване Дупкаров, а пак Спире Арсов ќе биде четврт судија.
Тони Николовски ќе биде делегат, а контролор ќе биде Сашко Ангелов.
Стојанче Стојанов ќе го суди мечот меѓу Новаци и Скопје, а негови помошници ќе бидат Роберт Црвенов и Александар Ајдаров, а пак четврт судија е Дарко Стојанов.
Благојче Тодоровски ќе биде делегат на оваа средба, а Љубе Ристевски ќе биде контролор.
Во Штип апсолутниот фаворит Брегалница ќе го пречека новиот третолигаш Големо Коњари, а правдата ќе ја дели Никола Петковски, а ќе му асистираат Александар Ѓурковски и Елена Соклевска Илиевски, а пак Или Никодиновски е четврти.
Мерсим Зендели е делегат, а контролор е Злате Лозаноски.
Бархиљ Ибраими ќе биде главен судија на „Цвај арената“ каде ќе се соочат Вардар Неготино и Детонит Плачковица, а помошници ќе бидат Хабиљ Љиворека и Метин Османи, а четврт судија ќе биде Нинослав Нанков.
Делегат ќе биде Нафил Смаиловиќ, а контролор е Аце Миноски.
На центарот во Гевгелија ќе биде Ангел Гелов кој ќе им суди на Кожуф и Слога Виница, а негови помошници ќе бидат Зоран Ангелов и Петар Манчев, а пак Јордан Јовановски ќе биде четврт судија.
Делегат на средбата ќе биде Никола Мицановски, а контролор Горан Ангелески.
Победа на домашен терен ќе игра против Беласица, а на центарот во Прилеп ќе биде Дејан Младеновски, а негови асистенти ќе бидат Виктор Здравев и Филип Тодоровски, а пак Ненад Тодоровски е четврт судија.
Слаѓан Божиновски е делегат, а контролор во Прилеп ќе биде Ацо Мацевски.
Сите натпревари ќе започнат во 15:30 часот.
