Уште седум кола до крајот од сезоната во Втора лига, а четири екипи и натаму конкурираат кој да биде шампион и да обезбеди директен влез во Прва лига.
Овие неколку кола се случуваа големи промени на табелата – Скопје најмалку се задржа на врвот, по само седум дена го загуби врвот односно за едно коло.
Сега со по 52 бодови Охрид, Брегалница и Шкендија Арачиново се израмнети за делба на првото место, а пак Скопје е четврти со 50 бодови.
Новиот шампионот во Втората македонска фудбалска лига не може да има повеќе до 73 бодови.
До крајот остануваат уште седум кола, а во игра се 21 бод, ако се земе предвид дека Охрид, Брегалница и Шкендија имаат по 52 бодови и до крајот било која од овие екипи биде перфектна би можела да има најмногу 73 бодови на своето конто.
Доколку се случи некој „кикс“ на овие екипи, а притоа било која од нив биде шампион, тогаш новиот првак во второлигашкото друштво шампионската титула може да ја подигне и со помалку од 70 освоени бодови.
