Пелистер денес игра против Шкендија во Тетово, клучен и многу важен меч во трката за опстанок на битолчани, ова ќе биде деби на старо-новиот тренер Марјан Секуловски, кој ја презеде клупата на Пелистер во момент кога тимот има три порази и две ремија од последните пет средби.
Секуловски истакна дека добро работеле во изминатите десет дена и дека е задоволен од сработеното, притоа нагласи дека имаат почит кон Шкендија, но одат по позитивен резултат во Тетово.
„Добро работиме во изминатите 10 дена и задоволен сум од ангажманот на играчите. Првиот натпревар ни е против Шкендија и во овој период се обидовме да поставиме работи што ќе ни бидат корисни за утрешниот дуел. Имаме максимален респект за противникот — нивните резултати во првенството, Купот и особено во европските натпреварувања зборуваат сами за себе. Ние ќе се обидеме да одиграме максимално сконцентрирано и да ги искористиме шансите што ќе ни се укажат“, вели тренерот на Пелистер.
Натпреварот меѓу Шкендија и Пелистер се игра денес и стартува во 13:30 часот.
