Денес беа одиграни натпреварите од 10. коло на Трета лига – Југозапад, а во рамки на истото не се одигра натпреварот во Дебар меѓу Кораби и Светлост, откако екипата на Светлост не допатува во Дебар и со тоа службено го губи натпреварот, истиот е регистриран со службени 3:0 за Кораби, со што поранешниот второлигаш и лански шампион во Трета лига – Југозапад добива службени три бодови.
Натпреварот меѓу Демир Хисар и Света Троица од Охрид заврши без погодоци и поделба на бодовите (0:0).
Лидерот Преса на домашен терен со 2:0 славеше триумф над Влазними од Струга. Во првиот дел Неџми Реџепи постигна гол за 1:0, а во вториот дел искусниот Нико Пластиновски постигна гол за конечни 2:0.
Сатеска во Волино со 2:1 славеше над тимот на Кравари, во меч каде трите голови паднаа во вториот дел од мечот. Лука Богданоски стрелаше за 1:0, додека пак искусниот голгетер Никола Секулоски погоди за двојна предност. Во финишот на мечот Иванчо Јовановски постигна гол за конечни 2:1.
Караорман во вториот дел го доби натпреварот со Славеј од Мешеишта со резултат од 2:0, откако Игор Клечкароски погоди од белата точка и 19-годишниот Христијан Спироски, кој имаше одличен натпревар беа стрелци за победа на ланскиот второлигаш од Струга.
Натпреварот меѓу Евротип и Велешта не го дочека својот крај, откако натпреварот во 21. минута беше прекинат поради недоволен број на играчи на гостинската екипа, пропишани согласно правилата на фудбалската игра и притоа натпреварот е прекинат.
По само десет минути игра Евротип имаше водство од 4:0 со погодоците на Мартин Кузманов, Владе Јанакиевски, Димитар Николоски и Христијан Петрески.
