Со минималната победа на Фортуна од 0:1 над Кадино беше отворено 11. коло во Трета лига – Север, во меч каде за гостинот стрелец беше Фисник Синани во 90. минута.
Денес, Аеродром на домашен терен со 3:1 славеше висока победа над Башкими Љуботен, откако до победата дојде преку Кристијан Апостоловски и двата гола на Александар Каланоски. За гостинот стрелец беше Нусерт Курти.
БВК Коњаре преку пресврт во вториот дел го доби новиот третолигаши Њу Старс со резултат од 3:2. Борјан Тимовски беше двоен стрелец за гостинскиот тим, а пак за домаќинот стрелаа Алајдин Алили, Бујар Мустафа, и Фати Јусуфи кој погоди во 90. минута за конечните 3:2.
Непоразениот лидер Шкендија од Арачиново со 3:0 славеше висока победа над Академија Илинден со што главниот фаворит за баражот за Втора лига лесно прокнижи нова победа.
Шуајб Алити и Илир Сула погодија за брзо водство на домаќонот, а во вториот дел Еркан Шаип постигна гол за конечните 3:0.
Ланскиот шампион Куманово покажа моќ и запиша висока триумф од 6:0 над дебитантот Ржаничино, каде Андреј Јовановски беше двоен стрелец, а по еден гол постигнаа Златковски, Шерифи, голманот Горан Трајковски од белата точка и Тодоровски.
Поранешниот прволигаш Еуромилк ГЛ со превисоки 6:0 славеше над Риниа, откако Ферди Исмаиловски беше стрелец на три гола, а по еден гол постигнаа искусниот Филип Петковски, Лука Ивановски и Ахмед Бакијов.
Пчиња дојде до голем триумф од 2:1 над Беса Влазрими, а овој триумф е голема радост за домашниот тим од причина што беше одигра на теренот во село Пчиња, откако истиот ги исполни условите за третолигашки натпревари по неговата реконструкција.
Виктор Димков постигна гол за 1:0 во 31. минута, а веднаш потоа Лавдрим Сулимани постигна гол за 1:1. Во финишот на мечот Љубомир Трпевски постигна гол за конечни 2:1.
