Денес со четири натпревари се комплетираше 11. коло од Третата фудбалска лига – Запад. Речина на гостински терен со 0:3 славеше убедлива победа над Велазерими Слатино, откако Зибери беше двоен стрелец, а еден гол беше дело на Шасивари.
Ланскиот вицешампион Џепчишти со 4:2 славеше висока победа над Љуботен, каде Ментор Саљиу беше двоен стрелец, а по еден гол постигнаа Арлинд Алији и Дрин Рустеми. За гостинот Ивица Костадиноски и Теодор Стојанов беа стрелци, во вториот дел од мечот.
Доброшти со 5:0 славеше убедлива победа над Вардар од Брвеница, всушност ова беше и највисоката победа во рамки на оваа рунда. Бетим Етеми и Арјдан Шабани со два гола за 3:0 на полувреме, а во вториот дел Арбен Гафури и Бесник Ељмази беа стрелци за конечни 5:0.
Зајази на домашен терен однесе триумф над тимот на Камјани во меч со осум гола за конечни 5:3 и тоа победа со пресврт. Таир Таироски беше двоен стрелец за домаќинот во првиот дел, а пак за гостинот Арлинд Берзати беше двоен стреле, а еден гол постигна Рамадани Шерифи за 2:3 на полувреме.
Во вториот дел Шабан Ќерими постигна гол за 3:3, а до крајот на мечот Шќиприм Руфати и Лиридон Кадриу постигнаа погодоци за конечни 5:3.
Како што информираше вчера Спортска Мрежа Тетекс со 2:0 славеше над Ренова, а пак Дрита со 2:0 го доби Напредок од Кичево.
