Фудбалерот Никола Сарески успешно го оперираше предниот вкрстен лигамент и менискус по втор пат.
21-годишниот фудбалер од Тетово го започнува процесот на рехабилитација со цел да може да биде подготвен за новата сезона.
„Операцијата помина успешно и се чувствувам подобро од првата операција. Со Господ напред се надевам дека по процесот на рехабилитација би можел да се вратам на фудбалските терени веќе од следната сезона“, изјави Никола Сарески за Спортска Мрежа.
Инаку, Сарески во моментот е слободен фудбалер, во есенскиот дел настапуваше за Детонит Плачковица, а претходно беше дел од Кожуф, Победа, Тетекс и Љуботен од каде и ја започна фудбалската кариера.
