В сабота на програмата ќе бидат мечевите 21. коло на Втората македонска фудбалска лига, а поради пет акумулирани жолти картони осум фудбалери нема да може да настапат за своите екипи.
Охрид ќе биде без голманот Дамјан Серафимов и стандардниот Наумче Бакрачески против Вардар Неготино, кој пак на „Билјанини Извори“ доаѓа без Ѓорѓи Шишков.
Брегалница во Ресен ќе патува без капитенот Стефан Коцев и Ристе Темелков, откако двајцата фудбалери стигнаа до бројката од пет жолти картони, а тоа значи автоматски еден меч пауза.
Големо Коњари за соочување со Победа ќе биде без Илчо Митрески, а пак Победа без Кристи Крајоски. Овој викенд нема да може да настапи и фудбалерот на Тетекс Алтин Нурединовски, па „штофарите“ без негови услуги одат во Струмица кај Беласица.
