Валандово конечно ќе следи прволигашки футсал, непоразениот лидер Проект од Јосифово мечот со Мал Ајакс од 13. коло ќе го одигра во салата „Филип Втори“ во Валандово.
Ова ќе значи враќање на Проект во Валандово, откако претходно домашните натпревари ги играше во Гевгелија и Струмица.
Во однос на самиот меч кој ќе започне во 19 часот тимот на Проект е голем фаворит против Мал Ајакс од Штип кој се бори за опстанок во Првата футсал лига.
Нова победа за Проект ќе значи и чекор поблиску до титулата и на неколку кола до крајот и математички да стане нов шампион на Македонија.
