По 19 одиграни кола на врвот на листата на најдобри стрелци и натаму се Иван Глигоров од Охрид и Виктор Ангелов од Скопје со по 13 постигнати погодоци.
Зад овие двајца фудбалери е Стефан Јовановски кој за Новаци постигна 12 погодоци, а потоа на листата на најдобри стрелци се Сашо Дуков од Детонит Плачковица и Андреј Симевски од Каменица Саса со по 11 погодоци. Но, треба да се напомене дека Симевски ќе застане на овие 11 гола бидејќи замина во странство.
Фудбалерот на Тетекс, Азис Јамини стигна до бројка од десет постигнати погодоци, колку што во есенскиот дел постигна Бојан Спиркоски за Беласица, но бидејќи во пролетниот дел не настапува во ВМФЛ останува на оваа бројка.
По девет погодоци имаат Фикрет Љиварека од Шкендија Арачиново и Тони Мичковски од Детонит Плачковица, а пак осум гола има Антонио Каланоски од Охрид.
