По разделбата со досегашниот тренер Љупчо Марковски – Калц, Шкендија Арачиново веднаш го договори Берат Имери за нов тренер.
Клубот од Арачиново по неколку часа по разделбата со Калц го договори Имери за нов тренер.
46-годишниот тренер од Тетово последно работеше како шеф на стручниот штаб на некогашниот прволигаш Беса од Добри Дол, а низ неговата кариера ја водеше Воска Спорт каде направи голем успех откако охридскиот клуб успеа да го внесе од Втора во Прва лига како шампион, претходно го водеше младинскиот тим на Шкендија Арачиново, работеше и во Кораб од Дебар и некогашниот прволигаш Ренова од Џепчиште.
Шкендија Арачиново е втора со 39 бодови, има бод помалку лидерот Охрид, а дебито новиот тренер Берат Имери ќе го има в сабота против Големо Коњари во гости.
Целта на Шкендија Арачиново останува иста – влез во Првата македонска фудбалска лига.
