Беласица очекувано славеше убедливо над Големо Коњари со 4:0 во меч со кој се комплетираше 18. коло на Втора лига.
Резултатот во Струмица го отвори новото засилување Ерион Шуку во 14. минута од мелот, а Стефан Сулев во 35. минута беше прецизен за 2:0 на полувреме.
Во вториот дел со втор гол на Шуку, екипата на Беласица стигна до предност од 3:0 во 61. минута. Конечниот резултат го постави Живко Крстев кој погоди за 4:0.
Со овој триумф Беласица стига до прв позитивен резултат во пролетниот дел, откако истиот го отвори со два минимални порази од Охрид и Скопје.
Со овие три бодови екипата на Беласица си врати на седмото место со 34 бодови, а Осогово сега се спушта нa осмото место со бод помалку, a eкипата на Големо Коњари останува на дното со четири бода.
Во следното коло Беласица ќе игра дерби во Радовиш со Детонит Плачковица, а Големо Коњари ќе биде домаќин на Шкендија Арачиново.
