Лидерот Охрид минимално загуби на гостувањето во Кочани од Осогово со минимални 1:0, за големо славје на “сејмени”, во рамки на денешното вонредно 18. коло на Втора лига.
Човек на одлука во Кочани беше искусниот Стојанчо Велинов кој погоди во 40. минута.
И покрај поразот на “рибарите” од “жетварите” и натаму се на врвот благодарение на поразот на Шкендија Арачиново во дерби пресметката со Скопје.
“Пиратите” од Автокоманда беа подобри со 1:2 и се залепија на три бода од лидерот Охрид.
Александар Ѓурковски и Виктор Ангелов погодија за Скопје за 0:2 на полувреме, а во вториот дел Фикрет Љиварека погоди за конечни 1:2.
Ваквите резултати не ги искористи Брегалница, која одигра 0:0 против Тетекст во Тетово, па од оваа коло најмногу доби Скопје.
Детонит Плачковица со двата гола на Смилков Александар, како и головите на Бабунски и Мичковски со 0:4 славеше над Слога во Виница.
Новаци со 1:2 го дови Вардар Неготино во гости. Резултатот беше отворен со автоголот на Перчинков за водство на Новаци од 0:1 на полувреме.
Во вториот дел Марцевски зголеми на 0:2, а Нејковски го ублажи поразот на конечни 1:2.
Каменица Саса остана без три бода, Кожуф се спаси од пораз – 2:2 беше во Гевгелија.
Танчев во 45. минута погоди за 0:1, а во 45+4. минута погоди Гугуљанов за 1:1 на пауза.
Во вториот дел “рударите” преку Николов одново поведоа со 1:2 во 78. минута, а десет минути подоцна Варошаноски израмни на конечни 2:2.
Конечно радост за Преспа која со 1:5 очекувано славеше врз Победа. Александар Поповски Александар, Неџми и Јасин Казимоски беа стрелци на по еден гол за Преспа, а Елмаз Емуш Елмаз погоди двапати. За прилепчани единствен стрелец беше Бојан Смилески.
Колото се затвара утре во Струмица со мечот меѓу Беласица и Големо Коњари.
