Третолигашот Борец за пролетните предизвици кон обезбедување на баражот за можен влез во Втора лига се засили со уште двајца фудбалери.
Нови имиња на некогашниот прволигаш од Велес се Тоше Кочовски и Даниел Иванов.
Кочоски доаѓа од екипата на Росоман има 21 година и настапува на позицијата лев бек, а во минатото има настапувано за младинските категории на Тиквеш од каде и потекнува.
Иванов има 25-години, доаѓа од Слога Виница и тој всушност е повратник во велешкиот клуб, а претходно настапуваше за Кожуф, Каменица Саса, Кит Го од Пехчево, Детонит Плачковица, Маџари Солидарност, Брегалница од Штип, Македонија ЃП, Металург и Работнички.
Претходно како што објави Спортска Мрежа, Борец се засили со Трајче Костадинов, Никола Димов и Стефан Филиповски.
Пролетниот дел тимот на Борец го отвори со убедлива победа на домашен терен над Росоман со 6:1.
