Екипата на Кожуф загуби со минимални 1:0 на гостувањето кај Новаци во меч од 17. коло на Втората лига. По мечот екипата од Гевгелија која до доживеа четвртиот сезонски триумф реагираше на две според нив спорни судиски одлуки.
Во првата ситуација како што истакна клубот од Гевгелија се реагира на според момент за недосуден пенал, а во втората ситуација, како што велат од Кожуф бил досуден комплетно непостоечки офсајд.
„Во првата ситуација бевме оштетени со тоа што не е досуден пенал каде јасно се гледа дека топката е упатена токму кон тој играч каде има очигледно влечење за дрес. Во втората ситуација одново сме оштетени каде е досуден комплетно непостоечки офсајд“, се вели во реакцијата на Кожуф.
Тимот од Гевгелија останува на деветтото место односно во бараж зоната со 25 бодови, Кожуф има пет бода помалку од Осогово кој е осми односно во зоната за директен опстанок.
Веќе во вторник Кожуф ќе биде домаќин на Каменица Саса, каде само три бодови е опција за тимот на Иван Варадиновски.
