Со денешните натпреварите од 9. коло заврши есенската полусезона во Трета лига – Исток, со што овој третолигашки регион прв оди на зимска пауза, есенски шампион на Истокот е третолигашот Слога од Виница.
Денешната деветта рунда од пет натпревари донесе пет дерби натпревари, практично ждрепката го направи атрактивно оваа коло, со неизвесни дерби дуели.
Дербито на колото се играше во Виница каде се соочија лидерот Слога Виница и второпласираниот Овче Поле, во дерби каде Слога Виница славеше со 2:1. Амедов и Николов постигнаа два брзи гола за водство на домашниот тим, а потоа во 42. минута Трендафилов постигна гол за конечни 2:1.
Пијанечко-малешевско дерби се одигра во Делчево каде се соочија екипите на Брегалница Делчево и Малеш од Берово, во натпревар каде двете екипи имаа силна поддршка од трибините, исходот од оваа супер-дерби беше минимална победа за тимот од Берово, а стрелец на победничкиот гол кој падна во 88. минута беше Марјанчо Пачарски.
На оваа големо дерби имаше повеќе од 1.500 публика и практично беше голем фудбалски празник за овие два града односно за Делчево и Берово.
Локално дерби во Зрновци одиграа екипите на Светлост и Карбинци, соочување каде домаќинот кој е новајлија во лигата бараше втора радост против Карбинци кој сезонава е многу подобар во однос на ланската, но денес натпреварот го реши искусниот Влатко Коцев со два погодоци за триумф на Светлост од 2:1. За гостинскиот тим погоди Натков.
Струмичко дерби се одигра на стадионот „Кукуш“ во Турново каде Тиверија се соочи со некогашниот прволигаш и поранешен вицешампион Хоризонт Турново, убедлива победа од 0:4 однесе тимот на Турново, во меч каде Васко Коцев беше двоен стрелец, а по еден гол постигнаа Коцевски и Мицевски.
Регионално дерби на Југот се одигра во Пирава каде последнопласираниот Ударник го пречека тимот на Дојранско Езеро, каде домаќинот преку пресврт славеше втора победа од 3:1. Митков го донесе гостинот од Дојран прв до водство од 0:1 на полувреме во Вториот дел Грбашлиев, Дончев и Шата постигнаа погодоци за конечни 3:1.
- ЦЕЛА ТАБЕЛА ОД ТРЕТА ЛИГА – ИСТОК:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | ФК СЛОГА 1934 | 9 | 8 | 0 | 1 | 36 | 6 | +30 | 24 |
| 2 | ЗС ОВЧЕ ПОЛЕ | 9 | 5 | 2 | 2 | 21 | 8 | +13 | 17 |
| 3 | ФК ХОРИЗОНТ ТУРНОВО АД | 9 | 4 | 3 | 2 | 15 | 12 | +3 | 15 |
| 4 | ФК Брегалница 1926 | 9 | 4 | 2 | 3 | 13 | 11 | +2 | 14 |
| 5 | ОФК МАЛЕШ | 9 | 4 | 1 | 4 | 8 | 15 | -7 | 13 |
| 6 | ФК ДОЈРАНСКО ЕЗЕРО | 9 | 3 | 3 | 3 | 16 | 19 | -3 | 12 |
| 7 | ФК КАРБИНЦИ | 9 | 3 | 2 | 4 | 11 | 11 | 0 | 11 |
| 8 | ФК СВЕТЛОСТ ЗРНОВЦИ | 9 | 2 | 2 | 5 | 10 | 22 | -12 | 8 |
| 9 | ФК УДАРНИК | 9 | 2 | 1 | 6 | 11 | 20 | -9 | 7 |
| 10 | ФК ТИВЕРИЈА | 9 | 2 | 0 | 7 | 11 | 28 | -17 | 6 |
