Десеттото коло во Трета лига – Југ го донесе дербито меѓу Превалец и Росоман, кое заврши со по еден гол (1:1), но без победник.
Типичен првенствен третолигашки натпревар, домашниот тим може да жали бидејќи не реализираше пенал во 60. минута. Многу борбеност од страна на двете екипи, со желба за победа. Поделен по еден црвен картон, фер и коректно судење од страна на судиите.
Гостинот преку Миловановиќ прв дојде до водство во 18. минута, а веќе во 30. минута Стефановски ги постави конечните 1:1.
Реми без погодоци (0:0) подиграа Бучин и Венец од Долни Дисан, а пак Младост добива службени три бодови од Обршани кој се откажа од натпреварување (3:0 службен резултат).
Ултарс со 5:0 го збриша тимот на Слога на теренот со вештачка трева во Прилеп, во меч каде Тасески и Тошески беа двојни стрелци, а стрелец на првиот гол беше Паноски.
Башкими 2008 и лидерот Големо Коњари ги поделија бодовите откако одиграа реми со по еден гол 1:1 во меч каде во првиот дел немаше погодоци. Ахмедовски погоди за 1:0, во 60. минута, а десет минути подоцна Андреевски постигна гол за конечни 1:1.
Реми со по еден гол (1:1) и на мечот меѓу Влазними Јуниор и Дреново откако Мемедов даде гол за 0:1 во првиот дел, а во вториот дел Усеиноски погоди за конечни 1:1.
Слободна беше екипата на Питу Гули во рамки на 10. коло во Трета лига – Југ.
