Македонија до 16 години одигра без голови, 0:0 на вториот контролен натпревар против врсниците на Малта. На воведниот меѓусебен дуел, нашите надежи славеа со убедливи 5:0. Нашите млади фудбалери повторно имаа иницијатива и создадоа повеќе зрели можности за погодок, но на крајот тоа не беше доволно за втора гостинска победа.
Емини уште во 6. минута се закани, а во 24. минута имаше стопроцентна шанса, но ударот од непосредна близина заврши над голот. Се обидоа и Раифи и Велески, кои упатија сериозни удари, но противничкиот голман интервенираше успешно.
Во вториот дел Крстевски имаше одлична прилика во 70. минута, но неговиот удар беше одбранет, додека во 85. минута топката заврши над голот.
Натпреварот се одигра во многу тешки услови, со силен ветер кој значително влијаеше врз текот на играта и организацијата на нападите.
Македонија до 16 години: Димитар Петров, Матеј Бочески, Филип Ѓорѓиоски, Амар Акики, Александар Полимац, Ефе Раифи, Боби Недановски, Адријан Велески, Џихан Ибраими, Медин Емини, Благојче Седлоски;
Илан Мемети, Митко Стојанов, Михајло Павлов, Дардан Адеми, Матеј Николов, Далибор Марковиќ, Марин Крстевски, Ејсер Фетаи, Илија Аксентиев, Огнен Сивевски;
