Брегалница пресилна на „генералката“ против Вардар Неготино, откако на Градскиот стадион во Штип беа постигнати десет погодоци, за убедлива победа од 9:1 за „сините“.
Тимот од Неготино беше инфериорен противникот во текот на целиот меч, без можност да парира на моќната Брегалница. Мемеди, Бојаџиев и Николовски имаа по еден гол, а пак двојни стрелци за Брегалница беа Хаџи-Кимов, Талески и Ѓоргиев.
Брегалница во пролетниот дел ќе цели кон влез во Прва лига, а вториот дел од сезоната го отвара против Кожуф во Гевгелија. Вардар Неготино го очекува многу тешка мисија за опстанок, овој пораз треба да биде предупредување за пролетниот дел кој тимот од Неготино го отвара против Тетекс во Тетово.
