Денес се играат четвртфиналните натпревари од кошаркарскиот Купот на Македонија „Благоја Георгиевски Буштур“ во машка конкуренција. Организатор и домаќин е МКК Куманово, а натпреварите се играат во Спортската сала во Куманово.
Четвртфиналето се отвара во 12 часот со првиот меч меѓу ТФТ и Феникс, веќе од 14:30 часот ќе се соочат лутите ривали МЗТ Аеродром и Работнички.
Третиот меч на програмата е од 17 часот, а во истиот се среќаваат Кожув и Маџари, додека пак во вечерниот термин од 19:30 часот Пелистер ќе игра против домаќинот против МКК Куманово.
Сите четири натпревари ќе се пренесуваат во ЖИВО на МРТ3.
