Овој викенд започна пролетната полусезона во Втората футсал лига со натпреварите од 10. коло, а кое коло донесе голем број на погодоци на сите натпревари.
Овче Поле убедливо со 5:0 го доби Кратово и победнички ја отвори пролетната полусезона. Без проблеми домаќинот славеше висока победа и ја израдува домашната публика во Свети Николе. Првиот дел заврши со резултат од 2:0 за домашниот состав со погодоците на Роберто Андонов и Јорданче Јорданов, а пак во вториот дел стрелаа Лука Наумов, Антонио Трајковски и Аки Мемедалиев.
Лидерот Железарец без проблеми со убедливи 9:0 го декласираше составот на Партизан Југ од Брвеница. Петре Даиловски постигна три гола, а пак двоен стрелец беше Реџеп Бислим, со по еден гол во листата на стрелци на мечот кој се одигра во Автокоманда се запишаа Дејан Кајсторовски, Мартин Калчев, Роберт Илиевски и Златко Јошевски.
Висок пораз доживеа Карадаку на гостување кај Сее Университи со резултат од 11:1. Најрасположен за голови беше Исмет Цека кој постигна дури пет погодоци, а по еден гол за тетовскиот тим постигнаа Арти Селамни, најдобриот стрелец Хисен Мемеди, Амин Шаќири, Ермал Љиворека, Самир Рамадани и Меритон Халили. За гостинскиот тим единствен стрелец беше Шуајб Шукрија кој погоди во 10. минута.
Црна Река го декласираше новајлијата Фудбал Старс од Кочани со убедливи 9:2, со што бодовите останаа во Кавадарци. Петар Ристовски постигна хет-трик за кавадаречкиот тим, а пак Стојан Петковски беше двоен стрелец заедно со Ѓорѓи Стрезовски. По еден гол постигнаа Никола Димов и Антонио Јанев. За гостинскиот тим Христијан Крстов погоди во првиот дел и Ѓорги Зашев во вториот дел.
Понеизвесен меч имаше во Кисела Вода каде ССК Скопје со 8:6 го доби тимот на Каршиака и тоа преку пресврт откако домашниот тим на полувреме губеше 4:6.
За домаќинот четири гола постигна Несим Сулејман, а до три гола стигна Бранко Ѓуровски, а пак Борјан Цветановски беше стрелец на еден гол.
Гостинот сите шест гола ги постигна во првиот дел, а стрелци на истите беа Шабан Фејзула кој погоди во 7. минута, потоа две минути подоцна стрелаше Хамза Садики, погодија и Сеад Јакупи, Бурим Касами, Кани Ќани и Џезаир Рамадани.
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | КМФ ЖЕЛЕЗАРЕЦ | 9 | 7 | 1 | 1 | 47 | 20 | +27 | 22 |
| 2 | ФК ЦРНА РЕКА / КМФ | 9 | 6 | 2 | 1 | 56 | 24 | +32 | 20 |
| 3 | КМФ СЕЕ-УНИВЕРСИТИ | 9 | 6 | 0 | 3 | 57 | 39 | +18 | 18 |
| 4 | КМФ КАРШИАКА 1996 | 9 | 6 | 0 | 3 | 46 | 37 | +9 | 18 |
| 5 | КМФ ФУДБАЛ СТАРС-АУТО ВЕЛТ | 9 | 5 | 0 | 4 | 42 | 35 | +7 | 15 |
| 6 | КМФ ССК 1965 Скопје | 9 | 5 | 0 | 4 | 47 | 51 | -4 | 15 |
| 7 | КМФ ОВЧЕ ПОЛЕ 2013 | 9 | 3 | 2 | 4 | 25 | 27 | -2 | 11 |
| 8 | КМФ КРАТОВО | 9 | 3 | 1 | 5 | 53 | 50 | +3 | 10 |
| 9 | ФК Партизан Југ Брвеница / КМФ | 10 | 3 | 1 | 6 | 57 | 71 | -14 | 10 |
| 10 | КМФ КОНЗУЛИ Битола | 9 | 2 | 1 | 6 | 24 | 43 | -19 | 7 |
| 11 | КМФ КАРАДАКУ | 9 | 0 | 0 | 9 | 22 | 79 | -57 | 0 |
