Започна пролетната пролетна полусезона во Втората футсал лига откако овој викенд се одиграа натпреварите од првата пролетна рунда односно 10. коло, за што веќе објави Спортска Мрежа детален извештај за сите натпревари.
Битката за влез во Првата футсал лига се разгорува, повеќе екипи ќе конкурираат за првите две позиции кои директно водат кон елитата.
Железарец е лидер со 22 бодови на своето конто, а пак Црна Река е втора со 20 бодови, овие две екипи минатата сезона заедно во пакет испаднаа од Прва во Втора лига, а сега целат кон експресно враќање во елитата.
Во трката за првите две позиции влегуваат СЕЕ Университи и Каршиака, овие две екипи со по 18 бодови го делат третото место. Во обид за изненадување од сенка ќе бидат Фудбал Старс и ССК кои го делат петтото место со по 15 бодови. Останатите екипи ќе водат битка за што повисок пласман на табелата.
- ЦЕЛА ТАБЕЛА ОД ВТОРА ФУТСАЛ ЛИГА:
| Поз. | Клуб | ОН | Поб | Н | Пор | ПОС | ПРИ | ГР | БОД |
|---|---|---|---|---|---|---|---|---|---|
| 1 | КМФ ЖЕЛЕЗАРЕЦ | 9 | 7 | 1 | 1 | 47 | 20 | +27 | 22 |
| 2 | ФК ЦРНА РЕКА / КМФ | 9 | 6 | 2 | 1 | 56 | 24 | +32 | 20 |
| 3 | КМФ СЕЕ-УНИВЕРСИТИ | 9 | 6 | 0 | 3 | 57 | 39 | +18 | 18 |
| 4 | КМФ КАРШИАКА 1996 | 9 | 6 | 0 | 3 | 46 | 37 | +9 | 18 |
| 5 | КМФ ФУДБАЛ СТАРС-АУТО ВЕЛТ | 9 | 5 | 0 | 4 | 42 | 35 | +7 | 15 |
| 6 | КМФ ССК 1965 Скопје | 9 | 5 | 0 | 4 | 47 | 51 | -4 | 15 |
| 7 | КМФ ОВЧЕ ПОЛЕ 2013 | 9 | 3 | 2 | 4 | 25 | 27 | -2 | 11 |
| 8 | КМФ КРАТОВО | 9 | 3 | 1 | 5 | 53 | 50 | +3 | 10 |
| 9 | ФК Партизан Југ Брвеница / КМФ | 10 | 3 | 1 | 6 | 57 | 71 | -14 | 10 |
| 10 | КМФ КОНЗУЛИ Битола | 9 | 2 | 1 | 6 | 24 | 43 | -19 | 7 |
| 11 | КМФ КАРАДАКУ | 9 | 0 | 0 | 9 | 22 | 79 | -57 | 0 |
