Општина Виница успешно ја реализираше традиционалната спортска манифестација „Спортски асови 2025“, настан кој уште еднаш потврди дека спортот е една од клучните вредности што ја обединува локалната заедница и создава здрави генерации и вистински спортски амбасадори на градот.
Во свечена атмосфера беа доделени плакети, благодарници и признанија на најуспешните спортисти, спортски екипи и спортски работници за нивните резултати и придонес во текот на 2025 година. Добитниците беа избрани врз основа на Јавниот повик бр. 10-15, објавен на 9 јануари 2026 година.
Давид Ристов – Најдобар спортист на Виница за 2025 година
Централно место на манифестацијата заслужено му припадна на Давид Ристов, кој ја доби плакетата за Најдобар спортист за 2025 година, признание за неговите исклучителни спортски достигнувања и континуирана посветеност.
Добитници на плакети
- Плакета за постигнување високи меѓународни резултати во спортот – Лука Змејковски
- Плакета за Млад надежен спортист – Лука Гошев
- Плакета за Најдобра спортска екипа – ГФК „Слога 1934“
- Плакета за Млада надежна спортистка – Јана Колишева
- Плакета за Животно дело во спортот – Виница – Влатко Гошев
Благодарници за унапредување на спортскиот дух
За својот придонес во развојот на спортската култура и спортскиот дух во Виница, благодарници добија:
- Бадминтон клуб „Винчини“
- Кошаркарски клуб „Винеам“
- Филип Атанасов
- Благој Ристов
Признанија за високи спортски резултати
Со признанија за постигнати високи резултати во спортот беа наградени:
- Никола Цветанов
- Христијан Илиев
- Петар Захариев
Оваа година, за првпат, Општина Виница ја додели и новата награда „Животно дело во спортот на Виница“, како трајно признание за долгогодишна посветеност и значаен придонес во развојот на спортот во општината.
Со оваа манифестација, Општина Виница уште еднаш ја потврди својата определба и во иднина активно да го поддржува спортот, да ги вреднува спортските успеси и да го негува спортскиот дух кај младите и возрасните.
