Непоразениот лидер во Првата футсал лига, Проект е посилен со Давид Ристовски, кој во тимот од Јосифово доаѓа од редовите на Осогово од Крива Паланка.
Станува збор за 24-годишен играч кој своите фудбалски почетоци ги направи во скопски Вардар, потоа настапуваше и за екипите на Македонија ЃП, Кадино, Кожуф од Гевгелија, Слога Виница, за второлигашот Осогово од Кочани.
Последни две сезони Ристовски ги има во редовите на КФМ Осогово од Крива Паланка, а сега е претставен како засилување кое ќе биде големо освежување во редовите на Проект.
Инаку, тимот на Проект е есенски шампион во футсал елитата на Македонија со максимален учинок, а во пролетниот дел најавува борба на два фронта – односно започнува мисијата за освојување на двојната круна – враќање на шампионската титула во своите витрини и подигање на Куп титулата.
