Зимската пауза во ракометната Суперлига заврши – од денес со натпреварите од 19. коло продолжува ракометната елита на Македонија.
Останува да се одиграат уште четири кола од регуларниот дел, по што ќе се формира плеј-офот и плеј-аутот каде ќе се разигрува за титула и излез во Европа односно за опстанок во Суперлигата.
Ќе има „жешка“ пролет за титулата – борба каква до сега немала со четири екипи, Вардар, Еурофарм Пелистер, Охрид и Алкалоид во трка за шампион на Македонија.
Во долниот дел од табелата работите се кристално јасни – „фенерџијата“ Радовиш кој нема бодови и практично е без позитивен резултат е прв кандидат за испаѓање и речиси и ќе биде така, а Струга ќе води битка со Куманово за да се избегне претпоследното место кое води кон баражот за опстанок, откако стружани минатата сезона играа бараж за опстанок против Мулти Есенс во Прилеп и на тој начин изборија опстанок.
Денес Охрид на домашен терен како голем фаворит ќе игра против Прилеп, а во рамки на првата пролетна рунда, Вардар го пречекува Куманово, Струга ќе игра против Бутел, во Битола ќе се соочат „браќата“ Еурофарм Пелистер против Еурофарм Пелистер 2. Тиквеш ќе игра со Радовиш, а пак Алкалоид со Пролеп.
