Ракометарките на Астибо утре играат важен меч со цел да фатат место во плеј-оф од Суперлигата против дебитантот Ѓорче Петров 2.
Како што велат од штипскиот клуб за нив ова ќе биде натпревар да се биде или не, па затоа Астибо бара максимална поддршка од трибините на мечот кој го играат во спортската сала „Тошо Арсов“ во Штип, утре од 18 часот.
„Почитувани љубители на ракометот, ве покануваме да го проследиме заедно овој важен натпревар за нас, затоа што со победа влегуваме во играта за плеј-оф! Вашето присуство е потребно повеќе од било кога и затоа ве очекуваме сите во што е можно поголем број во Четврток во спортскиот храм Тошо Арсов, со почеток од 18:00 часот. Со екипата на ЖРК Ѓорче Петров 2, во гости успеавме да победиме и да се радуваме, па ајде да го направиме тоа и на домашен терен и радоста да биде уште поголема“, се вели во клупското соопштение на штискиот суперлигаш.
Што се однесува до табелата и комбинации. Чаир е прв со 12 бодови сигурен во плеј-оф, Скопје е втор со девет бодови, а пак Астибо е трет со осум бодови, но Скопје има натпревар повеќе.
Во рамки на 9. коло Скопје ќе игра против фаворитот Чаир, каде Чаир би требало да ги освои двата бодови, а пак Астибо доколку слави над Ѓорче Петров 2 ќе избие на второто место со 10 бодови или бод повеќе од Скопје, но и меч повеќе.
