Третолигашот БВК Коњаре за пролетниот дел од сезоната ги промовираше Кристијан Ристовски и Леонид Стојановски со кои треба да се зголеми конкуренцијата во сопствените редови.
29-годишниот Ристовски претходно беше дел од второлигашот Осогово од Кочани, Слога Виница, Скопје, Кадино, Тетекс, Гостивар, Илинден и Металург од каде и ја започна кариерата.
Ристовски всушност е повратник во редовите на БВК Коњаре, бидејќи во период од јули 2022 до јануари 2024 настапуваше за овој клуб.
Стојановски, кој пак има 23-години пристигна од Аеродром, беше дел од Скопје, Кожуф, Маџари Солидарност, Македонија ЃП и Металург, а шест месеци настапуваше во Малта.
Според информациите на Спортска Мрежа клубот треба да го засилат уште двајца фудбалери.
БВК Коњаре презимува на второто место на табелата во Трета лига – Север со 32 бодови, пет помалку од лидерот Еуромилк ГЛ и во пролетниот дел БВК Коњаре ќе се обиде да стигне до челната позиција која води кон баражот за Втора лига.
