Второлигашот Новаци се засили со Марио Дебрешлиоски

Второлигашот Новаци го претстави Марио Дебрешлиоски како ново засилување за пролетниот дел од сезоната. Се работи за дефанзивен играч, а 23-годишникот во тимот на Дарко Крстески доаѓа од редовите на струмичка Беласица.

Низ неговата кариера има настапувано покрај за Беласица и за Пелистер, струшки Караорман и прилепска Победа од каде и ја започна кариерата.

Новаци есенскиот дел во Втората лига го заврши на шестото место, а пролетниот дел го отвара против Победа.