Третолигашот Пчиња го промовираше Божидар Митревски како најново засилување, кое во клубот пристигнува од редовите на второлигашот Слога Виница.
25-годишниот Митревски е дефанзивен играч од средниот ред, кој во досегашната кариера настапуваше за Детонит Плачковица од Радовиш, Скопје, Силекс, Тетекс, Вардар и Работнички. Своето интернационално искуство го стекна настапувајќи за словенечкиот клуб НК Рогашка, како и за бугарскиот Литекс Ловеч.
Со неговиот ангажман, Пчиња добива искусен фудбалер со богато домашно и меѓународно искуство. Тимот од регионот во моментов презимува на делба на шестото место на табелата заедно со Ржаничино, со по 21 освоен бод.
