Второлигашот Тетекс одигра меѓународен пријателски натпревар против Шари од Косово кој го доби со убедливи 6:1.
На АМС Спортскиот центар во Тетово популарните „штофари“ одиграа фантастичен меч и забележаа голема победа. Славчо Мисајловски постигна два гола, а по еднаш во листата на стрелци се запишаа Хисар АЛи, Лука Гавроски, Едис Бајрами и Рихан Зеќири.
Веќе утре Тетекс ќе одигра нов пријателски меч против прволигашот Арсими, а мечот ќе стартува во 12 часот и ќе се одигра исто така на АМС Спортски центар во Тетово.
Во пролетниот дел „штофарите“ ќе целат кон опстанок во Втората лига.
