Фудбалскиот клуб Брегалница официјално го промовираше Костадин Капсаров како најново име во своите редови.
Дваесетгодишниот фудбалер доаѓа од екипата на Беласица и ќе ја засили конкуренцијата во офанзивната линија на штипскиот второлигаш.
Капсаров настапува на крилната позиција, се служи одлично со двете нозе, а како посилна му е левата. Роден е во мај 2005 година, а својата фудбалска кариера ја започна во Кожуф, каде што настапуваше до август 2020 година. Потоа беше дел од Брера Струмица, радовишки Детонит Плачковица, како и Беласица, за која играше во два наврати, од јули 2023 до февруари 2025 година. Во есенскиот дел од актуелната сезона повторно го носеше дресот на струмичкиот клуб, пред да се одлучи за нов предизвик во Брегалница.
Претходно, Брегалница се засили и со Бојан Рајков и Јорданчо Наумоски, јасно најавувајќи амбициозен пристап во продолжението на сезоната.
Во пролетниот дел од шампионатот, штипјани ќе стартуваат од третата позиција на табелата и ќе водат жестока битка за пласман во Првата лига. Првиот пролетен предизвик за Брегалница е гостувањето кај Кожуф во Гевгелија.
