Екипата на Беласица во пролетниот дел од сезоната ќе биде без уште еден искусен фудбалер, откако Бојан Најденов одлучи кариерата да ја продолжи во нова средина, дознава Спортска Мрежа.
Играчот од средниот ред во струмичкиот тим пристигна од редовите на Кожуф во февруари минатата година, а по една сезона мината во Беласица се реши за промена на клупската средина. Станува збор за фудбалер со богато искуство и значајна интернационална кариера зад себе.
Во македонскиот фудбал, 34-годишниот Најденов настапуваше за Беласица, Кожуф, Брера Струмица, Вардар, Работнички и Хоризонт Турново. Надвор од Македонија има настапи за египетскиот Смуха, иранскиот гигант Естеглал, албански Лачи, узбекистанските Навбахор и Локомотив Кашкент, како и за црногорската Искра.
Во својата кариера има освоено шампионска титула со Локомотив Кашкент во сезоната 2022/2023, а со Естеглал се закити со Купот на Иран во сезоната 2017/2018.
Најденов има и настапи за сениорската репрезентација на Македонија, а своето деби во националниот дрес го запиша во 2014 година.
