Третолигашот Победа Валандово ќе има квалитетни подготовки за предизвиците кои ќе следуваат пред клубот во пролетниот дел од Трета лига – Исток кон остварување на целта – влез во Втора лига.
Како што веќе објави Спортска Мрежа познат е распоредот за одигрување на пријателски натпревари, но истиот е надополнет со уште три контролни натпревари, а кој еден е меѓународен.
Првиот пријателски натпревар ќе биде во сабота во Валандово против второлигашот Вардар Неготино кој е закажан за во 14 часот. Потоа како што веќе објави Спортска Мрежа на 29 јануари ќе следува тестот со Детонит Плачковица, на 31 јануари против штипска Брегалница, на 7 февруари со Кожуф, на 15 февруари со Слога Виница.
За 22 февруари Победа Валандово закажа меѓународен контролен натпревар против Слобода Ужице од Србија, а „генералката“ ќе биде со Еуромилк од Горно Лисиче.
Од сите третолигаши Победа Валандово прва започна со зимските подготовки на 12 јануари, а клубот кој е непоразен лидер во Трета лига – Исток, цели кон шампионска титула и бараж за Втора лига.
