Второлигашот Слога Виница останува без младиот и талентиран Октај Амедов, кој кариерата ќе ја продолжи во нова средина.
23-годишниот фудбалер кој игра како лево крило, а може да игра и како десно крило и централен напаѓач беше еден од стандардните играчи и играч со многу погодоци за тимот од Виница.
Амедов беше дел од генерацијата која ја врати Слога во Втора лига, а постигна клучни погодоци во есенскиот дел за тимот од Виница носејќи бодови за сега веќе неговиот поранешен тим.
Претходно Амедов го носеше дресот на Каменица Саса од каде пристигна во редовите на Слога Виница. Офанзивецот потекнува од школата на Слога Виница, а има настапувано за штипска Брегалница и Беласица.
