Второлигашот Новаци продолжува со засилувања за пролетниот дел, а најново име во ростерот е младиот Марко Лозановски.
Станува збор за 19-годишен офанзивец кој за првпат ќе добие можност да се докаже на сениорско ниво. Првите фудбалски чекори ги прави во Пелистер, по што следуваше интернационално искуство во Германија, каде настапуваше во младинските категории на Ергензинген.
Четвртото зимско засилување на Новаци игра по крилните позиции, но може и во улога на централен напаѓач, што му овозможува на стратегот Дарко Крстески да комбинира.
Со ангажманот на Лозановски, Новаци ја продолжува стратегијата на подмладување на тимот, откако претходно во клубот пристигнаа и младите фудбалери Стефан Секирски, Лука Лисолајски и Мартин Пивковски, за што веќе објави Спортска Мрежа.
