Мирза Делимеѓец е ново засилување во редовите на Силекс. 26-годишниот фудбалер од средниот ред пристигнува во Кратово од српскиот прволигаш ФК Јединство УБ, каде што во есенската полусезона настапуваше во Првата српска лига.
Делимеѓец зад себе има солидна статистика – запиша 12 настапи и постигна еден гол, покажувајќи сигурност и стабилност во средината на теренот. Со своето искуство и карактеристики, тој треба да донесе дополнителна енергија, квалитет и конкуренција во тимот на Силекс во продолжението од сезоната.
Новиот играч на кратовчани има богато интернационално искуство, бидејќи во досегашната кариера настапувал во повеќе држави, меѓу кои Албанија, Бугарија, Сингапур, Србија и БиХ, што претставува дополнителен плус за амбициите на клубот.
Со неговото пристигнување, Силекс добива фудбалер кој има поминато низ различни фудбалски школи и лиги, а навивачите очекуваат брзо да се вклопи и да даде свој придонес во битката за што подобар пласман.
