Македонската скијачка репрезентација со голема мотивација се подготвува за настапи на најголем светски спортски настан – Зимските олимписки игри Милано – Кортина, каде нашата земја ќе биде претставена со четири потврдени олимписки квоти. ЗОИ започнуваат на 6 Февруари и ќе траат до 22 Февруари.
Ова е уште еден значаен момент за македонскиот спорт, особено за зимските дисциплини, бидејќи покажува дека и покрај предизвиците, Македонија продолжува да има свои претставници на највисокото можно ниво. Тимот заминува со јасна цел – да даде максимум, да оствари достоинствени настапи и со гордост да го носи националниот дрес.
Во дисциплината нордиско трчање, Македонија ќе има двајца натпреварувачи, кои ќе настапат во спринт и во интервал старт трка на 10 километри.
Честа да ја претставуваат нашата држава во оваа категорија ја имаат:
-
Ана Цветановска – Спринт и Интервал старт 10 км
-
Ставре Јада – Спринт и Интервал старт 10 км
Во алпското скијање, Македонија ќе биде претставена со двајца натпреварувачи во најатрактивните и најпопуларни дисциплини – слалом и велеслалом, каде најмалите грешки можат да одлучат за конечниот пласман.
Македонските претставници во алпско скијање се:
-
Јана Атанасовска – Слалом и Велеслалом
-
Мирко Лазарески – Слалом и Велеслалом
Со четири спортисти во две различни дисциплини, Македонија уште еднаш покажува дека има квалитет и волја да биде дел од светската олимписка сцена, а очекувањата се сите да имаат успешни настапи и да ја претстават државата на најдобар можен начин.
