Македонскиот тренер Душко Кландев од Радовиш доби големо признание во Австрија, откако официјално е именуван за нов шеф на стручниот штаб на Салцбург, а следуваше и неговата официјална промоција.
Радовишанецот кој со години живее и работи во Австрија, досега беше активно вклучен во работата со младинските категории. Сега, по долгогодишниот ангажман и довербата од клубот, доби шанса да ја води и сениорската екипа.
Во неговата работа ќе му асистира активниот играч на клубот, Давид Дрехер, кој е назначен за помошен тренер. Двајцата ќе се обидат да ја стабилизираат екипата и да ја вклучат во борбата за пласман во плеј-офот.
Салцбург настапува во австриската „Челинџ лига“, второто ниво на натпреварување кое е поделено по региони. По завршувањето на есенскиот дел од сезоната, тимот се наоѓа на шестата позиција со 11 освоени бодови, но разликата до местата кои водат во плеј-оф е достижна.
Кландев е меѓу првите македонски тренери кои се стекнаа со престижната Мастер Коуч лиценца, а зад себе има и значајна играчка кариера, особено во Радовиш, каде што остави силен печат.
Назначувањето на Душко Кландев претставува уште еден позитивен пример кој успешно се пробива и добива доверба на меѓународната сцена.
