Македонската ракометна репрезентација со последни проверки во Данска пред почетокот на Европското првенство. Нашата тренинг база од последните подготовки е во Силкеборг, град во близина на Хернинг, каде ќе ги играме натпреварите од групата Б.
Средниот бек на Македонија, Марко Митев, вели дека имаат уште неколку за подготовки, фокусот е ставен на Данска, против која го отвараме ЕП, а тој истакна дека ќе го дадат максимумот.
„По напорниот пад добивме слободен ден за одмор имавме простор да се одмориме. Сабајлево одработивме фитнес тренинг тоа добро ќе и дојде на екипата, а вечер ќе имаме интензивен тренинг во сала. За три дена започнува Европското првенство. Нашиот фокус моментално е на првиот натпревар со Данска. Можеби тие се фаворити, но ние ќе го дадеме максимумот и нашата цел да е да извојуваме добар резултат. Имаме уште три дена да се подготвиме, како тактички, исто така да се подготвиме и физички и се надевам дека ќе успееме да го испратиме нивниот ритам и се надеваме на позитивен резултат“, рече Митев.
По мечот со Данска, Македонија на 18 јануари ќе игра со Португалија, а пак на 20 јануари ќе играме со Романија.
