Дефанзивецот Стефан Наумчески е третото засилување на ФК Приштина во текот на јануарскиот преоден рок. 25-годишниот фудбалер пристигнува од редовите на Брера Струмица.
Во есенскиот дел од тековната сезона, Наумчески настапи на 15 натпревари, при што постигна 3 погодоци и запиша 1 асистенција. Во својата досегашна кариера, тој има настапувано и за Вардар, со кој ја освои шампионската титула, како и за екипите на Тиквеш, Металург и Победа.
Наумчески има и богато репрезентативно искуство, настапувајќи за младинските селекции на Македонија до У18, У19,У20 и У21 година.
По потпишувањето на договорот, дефанзивецот ги сподели своите импресии:
„Прво на сите, многу сум среќен и горд што потпишав за ФК Приштина. Клубот има голема традиција и сериозни амбиции и штом слушнав за нивниот интерес, веднаш сфатив дека тоа е вистинскиот чекор за мене. Јасната визија, амбициите за иднината и филозофијата на клубот беа клучни фактори кои ме убедија да потпишам.
Ќе дадам сè од себе на секој тренинг и на секој натпревар за да му помогнам на тимот и заедно да постигнеме добри резултати. Верувам во себе и во оваа екипа и сметам дека можеме многу да направиме.“
