Македонскиот каратист Матеј Белистојаноски кој е член на Карате клуб Олимпик – Аеродром ја испиша својата победничка приказна на Светска сцена, оствари извонреден успех на Карате 1 Серија А турнирот во Тбилиси, Грузија, освојувајќи златен медал во категоријата до 67 килограми.
Во вториот натпреварувачки ден, Белистојаноски извојува вкупно шест победи и со тоа го донесе првиот меѓународен медал за Македонија во 2026 година. Македонскиот репрезентативец доминираше во силна конкуренција и покажа одлична форма на почетокот од новата сезона.
Резултати на патот до златото:
-
Матеј Белистојаноски – Хамидреза Рахабријанјазди (Иран) 8-0
-
Матеј Белистојаноски – Даниел Бартолета (Англија) 7-4
-
Матеј Белистојаноски – Даниел Бирку (Романија) 7-4
-
Матеј Белистојаноски – Боран Берак (Хрватска) 4-0
-
Матеј Белистојаноски – Владислав Велко (Украина) 7-7
Во финалето, Белистојаноски беше подобар од Абдул Вахабов Рашидов од Узбекистан, победувајќи со резултат 7-7 и освојувајќи го златниот медал.
Овој успех претставува одлична најава за предизвиците што го очекуваат Матеј во текот на 2026 година и потврда дека македонското карате има сериозен кандидат за највисоки дострели на меѓународната сцена.
