Тениската федерација на Македонија упати важно известување до сите тенисери кои настапуваат на турнирите од официјалниот календар на федерацијат. Согласно важечкиот Правилник за здравствена заштита, сите натпреварувачи се должни да извршат лекарски преглед кај специјалист по спортска медицина.
Лекарското уверение, кое не смее да биде постаро од шест месеци, треба да биде прикачено на личниот профил на официјалната платформа на федерацијата, како и доставено до матичниот клуб на тенисерот.
Од Тениската федерација на Македонија потенцираат дека оваа обврска е задолжителна за сите учесници, а од 1 февруари 2026 година, тенисерите кои нема да имаат валидно лекарско уверение нема да можат да се пријавуваат на турнирите од календарот на федерацијата.
Со оваа мерка, федерацијата има за цел да ја унапреди здравствената заштита и безбедноста на сите активни тенисери.
