Голема „чистка“ прави второлигашот Шкендија од Арачиново, откако тимот официјално се заблагодари на 12 фудбалери за досегашната соработка.
Како што веќе објави Спортска Мрежа од клубот заминаа неколку фудбалери, а сега Шкендија Арачиново тоа го потврди и официјално. Се работи за Бујар Иљази, Еркан Шаип, Шуајб Алити, Александар Ѓорѓиески, Бурхан Алији, голманот Баки Алиу, Мергин Дани, Христијан Коцев, Амар Мустафа, Албан Шабани, Омери Сулејамни, Стефан Коловски и Ферат Села кои нема да го носат дресот на тимот од Арачиново во пролетниот дел.
Досега Шкендија Арачиново се засили со голманот Антонио Столевски, Владимир Жоглев, Сухејб Рушити, Зани Назифи и Махир Ајрули, а во следните денови ќе треба да бидат промовирани и останатите засилувања.
„Ви благодариме за секоја пролеана капка пот и за посветеноста што ја покажавте кон боите на нашиот клуб. Вашиот придонес е високо ценет, исто како и времето, ангажманот и жртвата што ги дадовте за клубот и за нашето место. Ви ја изразуваме нашата искрена благодарност и Ви посакуваме многу успеси во продолжението на Вашата кариера, како на професионален, така и на личен план“, велат од Шкендија Арачиново.
Тимот презимува на второто место со 35 бодови, еден помалку од лидерот Охрид кој има 36 бодови.
