Искусниот централен дефанзивец Оливер Христов е слободен играч, откако се раздели со второлигашот Детонит Плачковица, па со тоа 29-годишникот кариерата ќе ја продолжи во нова средина.
Христов остави длабока трага во радовишкиот фудбал откако за Детонит Плачковица настапуваше во два наврати, првиот пат во период од август 2022 до февруари 2023, а потоа и од август 2023 година во втор негов престој во овој клуб од Радовиш.
Претходно, Христов за радовишка Плачковица настапуваше во период од август 2015 до август 2016 година, а низ својата кариера настапуваше за прилепска Победа, Кит Го од Пехчево, Брегалница, Каменица Саса, Василево, Тиверија и за некогашниот прволигаш Хоризонт Турново.
Во следниот период ќе биде познато каде Христов би ја продолжил својата кариера, односно кој би бил неговиот избор.
