По девет одиграни кола во ракометната Суперлига правиме кратка анализа на табелата и на постигнатите резултати.
По девет кола Алкалоид е единствениот непрозен тим со максимални 18 бодови на своето конто со девет од девет. Екипата од Автокоманда предводена од Кирил Лазаров го има најефикасниот напад со постигнати 322 погодоци.
Охрид е втор со 16 бодови на своето конто со скор од осум победи и само еден пораз од шампионот Еурофарм Пелистер, со тоа што „гладијаторите“ ја имаат најдобраната одбрана која примила само 209 погодоци.
На третото место со 16 бодови е Вардар кој има исто така скор од осум победи и еден пораз.
На четвртото место е шампионот Еурофарм Пелистер со седум победи и два порази, битолчани го имаат вториот најефикасен напад со 294 постигнати погодоци, а воедно ја имаат втората најдобра одбрана со примени 215 погодоци.
На петтото место е Бутел со 12 бодови и со тоа скопскиот тим веќе го обезбеди речиси сигурно местото за плеј-офот.
Трката за последното место за плеј-офот ќе ја вода повеќе екипи односно Тиквеш, Прилеп и Пролет. Трите екипи се блиску една во однос на друга. Тиквеш е на шесттото место, место кое води во плеј-офот со седум бодови, а толку бодови има и Прилеп кој е на седмата позиција, додека па Пролет со шест бодови е на осмото место.
На деветтото емсто со четири бодови е Куманово, а пак четири бодови има и Струга која е на десеттото место. На претпоследното 11-то место е дебитантот Фруитленд Борец од Велес со три бодови, а на дното е повратникот Радовиш со само еден освоен бод од девет кола и единствен тим кој нема триумф.
Од друга страна Радовиш е првиот тим кој прими над 300 погодоци подочно радовишани имаат примено 309 погодоци или во просек нешто над 34 погодоци, а го имаат и најслабиот напад кој постигнал 209 погодоци или минус 100 гол разлика
Во слична ситуација е и велешкиот тим од аспект на статистиката со 214 постигнати погодоци што е втор најлош напад и примени 292 гола што е втора најлоша одбрана после радовишката.
Викендот ќе се одиграат натпреварите од 10. коло, а потоа ќе следува ЕХФ недела, па истата ќе биде добредојдена за некои екипи кои имаат густ распоред со европските натпревари, а за екипите од долниот дел на табелата момент за здив и период кога ќе треба да размислат како да се консолидираат и што да прават кога се во прашање целите, како истите да се исполнат.
Доправа доаѓаат вистинските предизвици со плеј-офот и плеј-аутот.
